Fréttir

Bara smá fréttir af skólalífinu ... Mikið fjör er nú hjá okkur þessa dagana. Mikill fjöldi nemenda fer hér um á hverjum degi og hefur úrval námskeiða sjaldan, eða aldrei verið jafn fjölbreytt. Í dag miðlum við fróðleik um Google AdWords, Citrix, Excel, almenna tölvunotkun, grafíska hönnun, kerfisfræði,tölvuviðgerðir og margt margt fleira. Staðreyndin er bara sú að hér eru allar stofur stútfullar af frábærum fróðleiksfúsum nemendum af öllum stærðum og gerðum ... sem sagt bara líf og fjör í Skeifunni 11b :)

Capacent, Deloitte og Promennt munu halda ráðstefnu í Hörpu fimmtudaginn 13. október kl. 9-12 þar sem fjallað verður um þá hættu sem fyrirtæki geta staðið frammi fyrir í upplýsingaöryggismálum, hvað afleiðingar tækniógnir geta haft fyrir rekstur fyrirtækja og hvernig draga megi úr áhættunni. Á ráðstefnunni verða tekin raunveruleg dæmi af íslenskum fyrirtækjum er hafa orðið fyrir tjóni af völdum tölvuglæpamanna.

Þá höfum við dregið í póstlistaleiknum okkar. Þátttaka var vægast sagt góð og ákváðum við því að bæta við 5 aukavinningum; 10.000 kr gjafabréfi hjá Promennt.

Nú er orðið fullt á námsbrautina Grafísk hönnun (hefst 6.sept) og námskeiðin Illustrator (hefst 24.sept) og Indesign (hefst 13.okt). Við tökum þó enn við skráningum á biðlista og látum vita um leið ef pláss losnar.