Ráðgjöf við val á námi

Náms- og starfsráðgjöf

Almenn náms- og starfsráðgjöf og áhugasviðsgreiningar er í samstarfi við símenntunarmiðstöðina Framvegis. Með náms- og starfsráðgjöf er hægt að skoða þá möguleika sem einstaklingar hafa varðandi nám, þróun í starfi og aðra færniuppbyggingu. Ráðgjöfin miðast fyrst og fremst við fullorðna einstaklinga, 18 ára og eldri.

Náms- og starfsráðgjafi veitir meðal annars:

• Upplýsingar um nám, störf og raunfærnimat
• Aðstoð við að finna út hvaða nám eða starf hentar þér best, m.a. með áhugasviðsgreiningum
• Leiðsögn við gerð ferilskrár (CV) og atvinnuumsókna
• Aðstoð við að skipuleggja starfsleit
• Leiðsögn um góð vinnubrögð í námi
• Aðstoð við að skoða leiðir til að takast á við hindranir í námi
• Ráðgjöf um möguleika til að styrkja stöðu þína á vinnumarkaði

Sláðu á þráðinn í síma 519-7550 eða kíktu í kaffi til okkar í Skeifunni 11b (2.hæð) og við hjálpum þér að finna það nám sem hentar þér best. Við erum með opið hús alla virka daga frá kl. 8:15-16:00 og föstudaga frá 08:15-12:00.