Collaboration Communications Systems Engineer

Collaboration Communications Systems Engineer (MS-721) er námskeið sem er hannað til að veita þátttakendum þekkingu og færni til að verða samskiptatæknistjórar. Þátttakendur ættu að skilja grundvallaratriði netkerfis, fjarskipta, hljóð-/mynd- og fundarherbergjatækni, auðkennis- og aðgangsstjórnun og Microsoft Teams. 

Nemendur fá einnig verklega reynslu í að stilla og dreifa Microsoft Teams Phone, fundum og vottuðum tækjum eins og Microsoft Teams Rooms og Surface Hub. Einnig læra nemendur hvernig á að nýta stjórnendamiðstöð Microsoft Teams til þess að stýra umhverfi; svo sem stjórna leyfum, aðgangi og notendum og stjórna stillingum fyrir fundi og öryggis- og samræmisstillingum.

Hvað gera samskiptatæknistjórar?

Samskiptatæknistjórar sjá um að skipuleggja, dreifa, stilla, viðhalda og stýra bilanaleit á Microsoft Teams Phone kerfinu, fundum, persónulegum tækjum og tækjum sem er deilt milli fólks t.d. á vinnustað - þar á meðal Microsoft Teams Rooms og Surface Hub. Samskiptatæknistjórar vinna með Teams stjórnendum, Microsoft Identity, Access stjórnendum og Microsoft 365 stjórnendum. Einnig geta samskiptatæknistjórar unnið með stjórnendum annarra sviða eins og aðstöðustjórum, sviðsstjórum, öryggis- og netstjórnendum, tækjaframleiðendum, símafyrirtækjum og Microsoft vottuðum dreifiaðilum.

Fyrir hverja?

Um er að ræða mjög gagnlegt og áhugavert námskeið sem gerir talsverðar kröfur til nemenda. Þetta nám hentar þeim sem hafa áhuga á frama á upplýsingatæknisviði með tæknistjórnun sem aðalgrein. Námskeiðið er einnig hluti af Framabraut - Tæknistjórnun.

Eina Microsoft og Amazon (AWS) vottaða fræðslufyrirtækið á Íslandi

Við vekjum athygli á að Promennt er eina fræðslufyrirtækið á Íslandi sem er með sérstaka vottun fræðsluaðila frá Microsoft og Amazon Web Services, en til þess að öðlast slíka viðurkenningu þarf að uppfylla mjög ströng gæðaskilyrði bæði Microsoft og Amazon. Þar má t.d. nefna sérstaklega öflugan vélbúnað, sérsniðið og vottað námsefni, úrvals aðstöðu og kennara með MCT gráður (Microsoft Certified Trainer).

Staðnám eða Fjarkennsla í beinni - þitt er valið!

Þetta námskeið er kennt hjá okkur í Skeifunni en athugið að einnig er hægt að taka þátt í Fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu, hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.

Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.

Kynntu þér nánari upplýsingar um Fjarkennsluna í beinni ►

Nemendur fá upptökur af öllum kennslustundum inn á teymið sitt í Microsoft Teams. Þetta veitir frábæran stuðning við námið sem mun gagnast nemendum sérlega vel hvort sem námið er stundað í Fjarkennslu í beinni eða í staðnámi.

Mikilvægar upplýsingar